Afshona Abu Ali ibn Sino nomidagi Jamoat salomatligi texnikumi Feldsherlik ishi yo‘nalishi talabalari o‘rtasida “Mohir operatsion hamshira” ko‘rik-tanlovi tashkil etildi. Tanlov talabalarning nazariy bilimlari hamda amaliy ko‘nikmalarini sinovdan o‘tkazish maqsadida o‘tkazildi.

Ko‘rik-tanlov 4 ta shart asosida olib borildi. Birinchi shartda ishtirokchilar 1 daqiqa ichida berilgan tibbiy asboblarni to‘g‘ri yig‘ishdi. Ikkinchi shartda talabalar xirurgiyaga oid amaliy ko‘nikmalarini namoyish etdilar. Uchinchi shartda esa salfetka va sharchalar tayyorlash bo‘yicha mahoratlari baholandi. To‘rtinchi shartda ishtirokchilar “Bahoriy salat” tayyorlash orqali o‘zlarining tezkorligi va didini ko‘rsatdilar.